రమణాశ్రమ లేఖలు 56 సిద్ధులు 10 -8-1946

రమణాశ్రమ లేఖలు 56 సిద్ధులు 10-8-1946
https://bhagavanraman.blogspot.com/2018/10/56-10-8-1946.html
    ఈ రోజున భగవత్సన్నిధిలో సిద్ధులను గురించి ప్రసంగం వచ్చింది. ఎవరో సిద్ధులకై ప్రయత్నించారనీ, ఏమో సంపాదించారనీ ఏమేమో మాట్లాడారు కొందరు. భగవాన్ విని విని ఉద్రేక ధ్వనితో "ఏమో సిద్ధులట, ఎక్కడినుంచో సంపాదిస్తారట. అందుకొరకు సాధనలు, తపస్సులూను. రూపంలేని మనకు కళ్ళు, కాళ్ళు, చేతులు, ముక్కు, చెవులు, నోరు ఇత్యాదులతో కూడిన ఈ శరీరం రావటం, దీనితో ఏమేమో చేయటం, ఇదంతా సిద్దేగదా? మనమంతా సిద్ధులమే. అన్నం కావాలంటే అన్నం, నీళ్ళు కావాలంటే నీళ్ళు, పాలు కావాలంటే పాలు, అన్నీ సిద్ధిస్తూ వున్నవి. ఇన్ని రకాల సిద్ధులు ఎప్పుడూ అనుభవిస్తూనే ఇంకా ఏమో సిద్ధులు గావాలని గంతులు పెడతారు. ఏం కావాలో?" నన్నారు భగవాన్.
https://www.facebook.com/359807631501891/posts/484793642336622/?app=fbl
    దాదాపు రెండేళ్లకు ముందు అఖిల భారత శాసనసభా సభ్యుడు, జ్ఞానేశ్వర భగవద్గీతకు అనువాదకర్త అయిన మనసుబేదారు భగవత్సందర్శనార్థం వచ్చినప్పుడు, శ్రీవారి సన్నిధిలో ప్రసంగవశంగా "అన్ని గ్రంథాలలో సిద్ధపురుషులను గురించి వ్రాశారే గాని సాధకులను గురించి వ్రాసినవి ఎక్కడా కనిపించవే? అట్టి గాధలేమైనా ఉన్నవా?" అని అడిగితే, "తమిళ 'భక్త విజయం' లో జ్ఞానేశ్వర విఠోబాల సంవాదం వున్నది. అది సిద్ద సాధకసంవాదం. దానిలో సాధకుని స్థితి విపులంగా తెలుస్తుంది" అని చెప్పి ఆశ్రమ గ్రంథాలయంలో ఉన్న 'భక్త విజయం' తెప్పించి ఆ భాగం శ్రీవారే చదివి విషయం వివరించి చెప్పారు. మను సుబేదారు స్వస్థానం చేరిన వెనుక ఆ భక్త విజయం పంపమని వ్రాస్తే ఆ పుస్తకం తెప్పించి పంపుతూ ద్రావిడ భాషలో ఉన్న ఆ సంవాదం ఇంగ్లీషులోకి భగవాన్ తర్జుమా చేయించి పంపారు. సుబేదారు దానిని మూడవ కూర్పుగా ప్రచురిస్తూ వున్నా తమ జ్ఞానేస్వరికి అనుబంధంగా చేర్చారు.

    ఈ మధ్యనే ఆ సంవాదాన్ని తెలుగులోకి అనువదించాను. మొన్న పూర్ణిమకు నీవిక్కడికి వచ్చినప్పుడు ఈ సంవాదవిషయమైన ప్రసంగవశాన "జ్ఞానేశ్వరుడు సిద్ధుడు, విఠోబా సాధకుడు" అని భగవాన్ చెప్పారు కదా! అందువల్ల దానికి సిద్ధసాధక సంవాదము అని పేరు పెట్టాను.
https://chat.whatsapp.com/ChpRnHo8IWJAiY31fQgdN5
    "తన్ను, దా తెలిసి తాను తానుగ నిలువగలుగుట సిద్ధిగాని వేరేదీ సిద్దిగా భావించరాదు" అని భగవానులు అప్పుడప్పుడు అంటూ ఉంటారు. తన తలపు ఆత్మాన్వేషణలో మగ్నం చేస్తే ఎప్పటికైనా యథార్థం గోచరిస్తుంది. అదే ఉత్తమసిద్ధి.

"ఉన్నది నలువదిలో శ్రీవారీ సిద్ధులను గురించి రచించిన వచనమే దీనికి ప్రమాణంగా వ్రాస్తున్నాను చూడు.
https://drive.google.com/file/d/0B2YCn5-o_Bzfa0dXeHhjdmtDcGd4WnRsZGNKSHdtQW5HY2Jj/view?usp=drivesdk
సిద్ధమై యుండు వస్తువును యెరిగి యుండుటయే సిద్ధి
ఇతర సిద్ధులు అన్నియు స్వప్న సిద్ధ సిద్దులే నిద్రపోయి మేలు
కొనిన వెనుక అవి సత్యమగునా! సత్య వస్తు నిస్టులై మాయ
వీడిన వారు వానియందు భ్రమ నొందగలరా? దెలియుము.
https://drive.google.com/file/d/1ejh-ky7G7akR1Q2-AqgHXmKVVZb_DkEg/view?usp=drivesdk
సిద్ధసాధక సంవాదము:
    శ్రీ పాండురంగ విటలుని యనుగ్రముచే జన్మించిన విఠోబా అడవియందు తపమొనర్చుచుండ వారి బిడ్డలగు జ్ఞానేశ్వరాదులు పట్టణమందున్న మాతా మహునింట నివసించుచుండిరి. ఆ బిడ్డల మేధాసంపత్తికి ఆ దేశపు రాజు ఆశ్చర్యమంది ఇట్టి సంతతి వడసిన జనకుడెంత మహనీయుడో యని చింతించి వారిని పట్టణమునకు రావించి పూజింపదలచి తోడ్కొని వచ్చుటకై దూతలతో సహా జ్ఞానేశ్వరాదులను వారికడ కంపెను. దూతలెంత ప్రార్థించినను విఠోబా నగరమునకు రా నిరాకరించిరి. జ్ఞానేశ్వరులు తామెట్లో తమ తండ్రిని ఒప్పించి తోడ్కొని రాగలమని చెప్పి వారినందరను పట్టణమున కనిపి, పిదప తన వాదముచే జనకుని మెప్పించి పట్టణమునకు తోడ్కొని చనిరి.
T.me/BhagavanRaman